so pleib mit der langen schneid starck (das haist gesterckt) auff seim swert und arbait pald zw der nechsten plösse oder wart auf das nach mit dem krieg Und alle oberhew Und alle über ansetzen überlangen die underen gfert / also wirt er oben beschemt
Von dem absetzen
Lere absetzen
häw stich künstlich letzen /
wer auf dich sticht
das dem ort trifft und sein pricht
von baiden seitten
triff allemal wiltu schreitenn /
Glosa Maister hans Das ist dw solt lere absetzen hew stich künstlich letzen auch örter prechen Also so ainer gegen dir hawt oder sticht schleg und örter absetzen und prechen gewonlich aus allen glegern und hewen oder stenden und auf sitzen von allen seitten wie sy dir bekummen und die örter mit deinem ort treffen oder swert und wol absetzen und machen daraus ain straich mit kurtz schneid ym oben ein zw dem kopf auf welche seitten es sich dann begibt darnach arbait indes mit dem nach und krieg
Oder inaber? aber als etlich glosirent maynent also die absetzen treiben Wann dw mit dem zunechten zw ym kumbst stelt er sich dann gegen dir als in den pflueg als sy das haissent ich hais aber den ochsen unden bey den knyen und thut als wöll er stechen zw dir So setz dein lincken fues für und stee gegen ym auch in dem ochsen mit kreutzten armen oder henden zw deiner rechten seitten und gib dich plos mit der lincken seitten Sticht er dann dir zw der plösse so wind mit dein swert auf dein lincke seitten gegen seinen stich an sein swert und schreit zw mit dem rechten fues und setz domit ab das dein ort alweg pleib gegn ym steen und stich im indes zw dem gesicht oder prust so trifft dein ort und der sein nit oder mach auch straich und anders was dw wilt magstu arbaiten mit kriegen
Ob aber dw gegen ainen wie oben in dem ochsen stündest und yn stechen woltest hawet er dann dir zw der lincken plös oben nider So gee auf mit deinem swert gegen seinen haw und wind ym ein offen oder krump wie es sich gibt nach der seitten und schreitst mit zw und den ort scharpf ein zw dem angesicht oder der prust darnach arbait oder krieg
Von dem durchwechseln
