Item ob dich das Roß ubertrage, das du Im die hannd noch den zaum nit erlanngen magst, so greiff Im nach dem rechten pain Inn dem Hinreitten.
Figura
Item das Lert die Sibent Figur hie heb an den man taschen hawen zu suchen.
Item wann du Im Den haw versetzt hast als vor unnd wilt der vorigen stuckh mit treiben, so far Im mit dem knopff Innwendig ubersein rechte hannd beij dem gehultz unnd truckh die fast an dein prust unnd Reit fur dich, so nimbst du Im seinn schwert, unnd treib die stuckh auß der Oberen hut vonn der rechten seitten.
