You are not currently logged in. Are you accessing the unsecure (http) portal? Click here to switch to the secure portal.
Wiktenauer logo.png

Pol Hausbuch (MS 3227a)/109r, 113v, 119v-120r

From Wiktenauer
Jump to navigation Jump to search

No Translation Not started

Transcription [edit]
by Helmut Werner Klug, et al.

[109r.1]  Wiltu eÿn huen siden in eÿme kodrolf der vnden weit ist vnd oben eyn engen hals hat zo nym das huen vnd woerge is vnd bloze is of vnd pflocke is sewberlich das dÿ hawt nicht reisse vnd sneide is vorne an deme bawche of vnd loeze das fleisch ab vmmevndvem bis an dÿ floegel vnd an dÿ gelenke in den beÿnen vnder den dÿen vnd sewt das fleisch wol vnd hacke is mit eyern vnd petersilgen vnd tu den dy hawt von deme huene yn das glas alzo gancz wen sÿ weder vor czu ist genehet vnd loz das hawpt hÿ aüsen vnd velle sy denne yn dem glaze mit deme gehacken fleische von dem hune ader mit dem voelsal das do von gemacht ist vnd gews denne wasser dor ÿn ader iewche czu deme hune vnd las is denne wol irwarmen vnd siden yn eÿme toppe mit wasser alzo das daz wasser nicht oben ÿn das glas ge czu deme hune

[109r.2]  Wiltu geverbete huener machen wÿ du wilt zo nÿm eyn eÿ vnd bestreich is wol mit leÿn oel vnd loz is wol trucken an der zonnen vnd streich denne waze varbe du wilt an das eÿ vnd loz is aber trucken vnd leg das eÿ vnder eÿne henne das sÿ is aus bruete m ander eyern zo wirt das hun denne gestalt noch der varben

[109r.3]  Mache eyn tyer von papyer vnd mele das wy du wilt vnd tu eynen frosch oder grille dor yn vnd halt eÿn licht vor das papyer zo schreit der frosch dorÿne v ader tu eÿn frosch ÿn eyn loch an eyner want vnd mole eÿn tier of eyn papyer vnd kleybe is vor das loch vnd halt eyn licht doran ut supra

[109r.4]  Stich eyn hun durch syn gehirne vnd czu reib eÿn crawt daz heist hürses[1] czunge vnd schoecz im ÿn dÿ wunde zo wirt is weder gesunt [2]

[110r.1]  Wiltu milch broten an eÿme spisse zo tu czum erste dÿ milch yn eyn toppelyn vnd sla eyn ader czweÿ dorÿn vnd tu eÿn wennig mel dorczu vnd henge is ÿn den andern top der vol sidende wassers seÿ peÿ eynem fewer vnd laz ich sichs alzo coaguluem dornoch czu sla das toeppelÿn von der milch vnd stoz dÿ milch an eÿnen spis vnd sprenge sy mit guten gewoertzten eÿern Ader sneit dÿ milch czu stoecken vnd lege sy of eynen rost /

[110r.2]  Wiltu eÿnen petterstroeczel broten an eym spisse zo stoz in an den spis vnd lege in czu dem fewer vnd wende in endelich vmme vnd bestrewe in vmm[3] mit mele vnd tu in nicht czu heis /

Paragraphs 3-6 on 110r are not about cooking

[110v.1]  wiltu secherley ÿn eyn lang glas giessen das sich eÿns nicht vnder daz ander mische So nym czum ersten milch wen daz ist ain aller swersten vnd dÿ ÿn das glas vnd mache denne eÿne dunne scheibe von holcz vnd tu dÿ ÿn das glas of dÿ milch dornoch nym denne eyn kleyn trichter vnd tu ÿn dÿ roere eÿn halm ader eyn kleyn hoelczlÿn vnd gewz denne durch den trichter bier of dÿ scheibe das is kleÿne vnd melich an dem hoelczel nider ge dornoch gewz wasser of das bier? dornoch roten weyn dornoch mete dornoch czu oeberst leynoel zo weicht als dÿ scheibe mit itzlichem tranke of

[110v.2]  Item winterczeit las eÿn trank gevrisen noch dem andern vnd meynnander wider tawen & idem valet

[110v.3]  Eÿn quittemus ader eyn confect mache alzo sewt dÿ quitten ÿn irem brodem ÿn eynem toppe do eÿn ander öberstoeuze donach schele sÿ wol vnd tu dy kerne aus vnd stos sÿ in eynem moerser vnd tu woercze darczu ÿngeber negeleÿn pariskoerner vnd honik vnd sewt sÿ yn eym newen toppe der mit honik gesmert sÿ vnd sewt sy zo lange bis sÿ swarcz werden vnd dicke vnd sneide sÿ wÿ du wilt &c

[113v.1]  Wiltu machen das petersilge vor den lewten czusehende wachse in eÿner stunde So nÿm petersilien somen vnd lege in yn gebranten weÿn vnd loz in dorynne legen eyne gute weÿle dor zo nÿm den zomen vnd strewe in of truege fuechte erde dy geÿl sey vnd cleÿne gereden zo wechset zi gar schire czu sehende

[113v.2] Aliud/ · Ader / nym petersilien zamen vnd tu den er in guten starken essik vnd loz in dorynne legen eynen tag vnd rÿne nacht wen das nue geschiet zo nym denne chaw vnd asche vnd menge das vndereynnander das is nicht czu dicke noch czu duenne werde vnd nym denne den zomen vnd strewe ader zehe in of das gemenge von den chalwe vnd der aschen vnd nym denne andere warme asche vnd strewe sÿ dorof / & videbis

[113v.3] Aliud/ · Ader nÿm bonstengel vnd bruee sÿ czu aschen vnd nym denne petrisilgen zomen vnd lege in ÿn guten starken weÿn vnd loz in dorynne legen vier tag vnd vier nacht ader lenger is der weyn nicht stark genuk vnd nÿm denne den be zomen aus dem weÿne vnd loz in trucken werden vnd nÿm denne trucken erde dÿ gar cleÿn sÿ vnd gereden durch eÿn tuch Vnd nÿm denne dez selben ertrichz czweÿteÿl vnd der vorgenanten aschen eÿn teÿl vnd tu is mit eynander alzo gemengt in eÿne schuessel vnd strew denne den petersilien zomen dorof vnd besprenge is denne mit lawterm regen wasser / vnd decke denne eyn mantel doroeber eyn cleÿne weÿle vnd heb in denne off zo siestu schoene petercilien gewachzen voer dir &c.

[113v.4] Aliud/ Aber nym kerbes zomen ader pfeben zo vnd lege in yn menschen blut vnd loz in dorynne legen an der zonnen vij tage dornoch nym sy her aus vnd tu is ÿn eyn butel ader taschen vnd nym denne geile veiste erden vnd trucken sÿ vnd czu reis sy gar kleyne vnd tu sÿ auch in eyn tuechel wen du denne wilt zo schot das puluer of dÿ erden

Paragraph 1 on 119v is not about cooking

[119v.2]  Wiltu kochen drey gerichte in eyme toppe das daz eÿne nicht gesalczen werde daz ander czu moze daz dritte alczu sere daz erste sal seyn eyer das ander fleisch daz dritte krebs

[119v.3]  das keÿne kese vawlen zo tu dorÿn krawzenmincze etc.

[119v.4]  Wiltu czweÿ eÿer siden in eynem toppe daz das eÿne ro bleybe vnd das ander gezoten zo s lege daz eÿne eÿ in den top vnd schoete asche genuk dorof vnd lege das ander of dÿ asche in den top vnd tu wasser doreÿn vnd setze is czu dez fewer zo bleibt das erste ro vnd daz ander daz aber wert gezoten

[119v.5]  Wiltu eÿer siden bey ader mit kaldem wasser vil e denne bey fewer zo nÿm vngeleschte kalt steyne vnd tu dy in eynen top vnd lege dy eyer och dorczu vnd gewz kalt wasser in den top zo werden si siden / vnd eyer in vngeleschten kalk gelegt dy werden in kurczer stunt gel

Paragraphs 6-10 on 119v and 1 on 120r are not about cooking

[120r.2]  Wiltu eÿn eÿ als gros machen als eyn hawp ader bozekawle So nym czwenczik ader dreissik eyer vnd czu sla das ^weiz von den eyern sunderlich vnd dy toeter auch sunderlich vnd nym denne eÿne bloze vnd gews das weisse vor doreyn dornoch dÿ toeter +# {dornoch aber oben eyn wennig weisses doch daz dy blose nicht gar vol seÿ zi czureist anders Auch magstu dy toter vor eyn wennig czu druecken vnd henge sy eynen tag ÿn eÿne ander bloze daz sÿ sich coaguliren vnd tu sy denne In dy bloze czu dem weissen ut supra} vnd bÿnt denne dÿ bloze wol czu vnd tu dÿ in eynen top der vol sidende wasser sey bey eynem fewer vnd das daz wasser oeber dÿ bloze ge vnd decke den top wol czu das keyn brodem heraus ge vnd los is alzo siden dornoch nym dÿ bloze heraus vnd tu sÿ ap vnd sneit denne daz ey of zo ist mitten der l toter komen vnd vmmevndvem das weisse wen der toter flewt dy hitcze [4] vnd helt sich in dÿ mitte als hastu eyn gut eÿ

[120r.3]  Wiltu denne dem eÿ eyne schale machen zo czu stos dÿ eÿerschalen vnd temperir sÿ m oele vnd mit kreyden vnd bestreich auswennik dÿ bloze mete &c. Auch wen das ey czu dem ersten eyn wennig behaisset zo stich mit eyme griffel ader nodel doreyn daz der brodem aus ge vnd daz si nicht zerreisse

  1. ↑ Reading unclear.
  2. ↑ Bottom line difficult to decipher.
  3. ↑ Ehlert expands to ‘verumteman’. But compare 109r line 6.
  4. ↑ Single cross as metamark.
Retrieved from "https://wiktenauer.com/index.php?title=Pol_Hausbuch_(MS_3227a)/109r,_113v,_119v-120r&oldid=145701"